BSNL-i Meghalaya, Mizoram aser Tripura nung Tower 111 enoksemtsü

Shillong, April 30 (Agencies): Bharat Sanchar Nigam Ltd (BSNL)-i Meghalaya, Mizoram aser Tripura nung customer service tajungba kümdaktsütsü atema base towers 111 yanglutsü, ta BSNL Chief General Manager, K K Saxena-i ashi.
“Onoki NE-1 circle nung Base Transceiver Stations (Towers) 111 enoksemtsü. Iba circle kübok Meghalaya, Mizoram aser Tripura state tem lir” ta Shillong nung Saxena-i osangbenertem dang ashi.
BTS tower 111 nungi Meghalaya (tang 244 lir) nung 56, Mizoram (tang 141 lir) nung 9 aser Tripura (tang 386 lir) nung 46 asütsü. State asem nung tang tower 771 lir aser phase 7 project kübok sen crore 50 endoka tower talila bendenloktsü, ta paisa ashi.
BSNL NE-1 circle ketdangser Saxena-isa ashiba agi, tower tasen yanglutsü aliba shia jagi nütsüng yongsük 5,000 shi ka yaritsü.
State asem nung BSNL indang customer lakh 8.7 shi lir aser tesüiba küm ka tsüngda customer noklang nung shilem ka renlokogo, ta paisa shisem.
NE-1 aser NE-2 (Assam aser tanüngba NE state tem) nung customer lakh 17.4 shi lir. Saxena-isa BSNL indang plan tasen asem tenzükba osang metetdaktsü aser itemji prepaid service atema sen 400 nungi tajemba indang plan tem lir.