Tanü nungi anogoshia Petrol aser Diesel jenjang reprangshimtsü

New Delhi, April 30 (Agencies): Hombar nungi teshimtet jilatem nung petrol aser diesel jenjang anogoshia international jenjangtem den medemdanga reprangshimtsü.
Linük nung petrol pump 58,000 jungnüa aliba nungi shilem 95 den teimbaji sorkar meyong totzü company tem- Indian Oil Corp (IOC), Bharat Petroleum Corp Ltd (BPCL) aser Hindustan Petroleum Corp Ltd (HPCL) indang lir.
Parnoki asüng nungi teshimtet yimti pungu nung anogoshia jenjang reprangshimba maparen tenzüktsü aser kobi melii iba maparen ya tanüngba tesemtem nunga inyaktsü.
Anogoshia petrol aser diesel jenjang reprangshimbaji Puducherry, Vizag (Andhra Pradesh), Udaipur (Rajasthan), Jamshedpur (Jharkhand) aser Chandigarh nung mezüng tenzüktsü, ta IOC-i sangdong ka nung metetdaktsü.
Sorkar meyong totzü company temi international jenjangtem den medemdanger, itashia 1 aser 16 anogotem reprangshia liasü.