Britney Spears-i movie nung shilem aginer

August 18, 2015: ‘Toxic’ ken ajanga nüngtugu akümla aser taoba mapang TV film ‘Longshot’ nung shilem agila, Britney Spears ya ‘Crossroads’ nung shilem tilala agiba ajanga kanga mazüngi aliba sülen film tulu nung shilem agitsü jangrar saka item ajakji ano tebilemba dang lir.
Lai, “Ni movie nung shilem aginüa bilemer. Movie nung tongti shilem agitsüji jangratemtsüka asütsü,” ta ashi.
La tang tangbo movie kecha nunga shilem agitsü mali saka arishi küm 33, Britney ya ‘Jane the Virgin’ nung shilem tila ka nung adoktsü lir aser lai ibaji asoshi kanga jangratema bilemer kechiba süra lai iba show ya kanga sapur.
“Ni iba show ya kanga nüngtugu maküm dang nungi repranga liasü aser ni nisung ajak dang iba show ajungba lemsatep dang tangari, ‘na ya kechi indang jembir?’ ta shia liasü. Saka iba sülenjibo iba show kanga nüngtugu aküm,” ta Britney-i ashi.
La mapang aika liaka taruba ita lar tanurtem, Sean arishi küm 10 aser Jayden arishi küm 9 ajungba benjung külemi mungtsütsü atema kanga mazüngi sentong yangludar.
Lai, “Onoki skateboard asayatsü kanga jangrar anungji skate park ka meka-a ayutsü,” ta ashi.
Jabaso ana ya Britney tang balar alisang Kevin Federline tena tanur lir aser tang yongi tena dak kententsü sempet aliba reprangteter.
Britney-i, “Ozü tanurtem ya DJ tem lir. Tena pei takdang nung DJ saya kazür,” ta ashi.