Education Minister-i Assam College tesayurtem aitsür

Guwahati, May 02 (Agencies): Commissioner of Higher Education ya bendanger lir aser pai state nung college tesayurtem bendanga amshir, ta Assam College Teachers Association tir-i ashiba o ya Education Minister, Dr. Himanta Biswa Sarma-i aitsür.
“Iba amala o jembiba ajanga linük memiemba sayur,” ta Education Minister-i osangbener den jembidang ashi.
“Kaket rejutem inyakyim nung teka aita amshitsü asoshi iba amala dentet nem tashi agüja mali aser nüngdakba mapatem education department ajanga reprangtsü,” ta sarma-isa ashi.
Provincialised college tem nung tazüng aliba mapatem asoshi tekeraba nung tatidang agitsü asoshi Minister-i Principal tem nem tetuyuba agütsüogo aser iba maparen ya June 15 tashi nung tembangtsü metetdaktsü.