AR-i Impur Junction nung yi aika apu

Dimapur, May 02 (TYO): Osang tejangja ka lazükba sülen HQ IGAR (North) kübok 44 Assam Rifles-i April 28, 2017 nü Mokokchung district kübok Impur Junction nung garitem mita liasü, aser iba mapang nung sepaitemi melung melemteti Hyundai Santro Xing gari registration number NL 07 3205 mita reprangdang sen 90,000 shi jenjang MC dowell Rum pongdang 197 den can beer 52 puogo, ta tanü Lt Col Amitabh Shrama PRO, HQ IGAR (North)-i Assam Rifles sangdong ka nung metetdaktsü.
Iba gari anisang den passenger ji pua parnok ket nung aliba yi densema police ket nung agütsüogo, ta kasa sangdong nungsa shia lir.