ATMA Kohima indang kaket ka saya

Kohima, May 02 (TYO): Tanü Jakhama Village nung ATMA Kohima district-i adokba kaket “Documentation on Zabo Farming” Agriculture & SNO (ATMA) Director, Helie Rupreo-i sayatsüogo.
Iba sentong nung Director-i ATMA team nem parnok mapa tajung atema tenüngsang agütsüba den külemi sentong nung adener Farmers’ friends (FF) tem dang Nagaland nung aluyimba nungi züsentetba osang metetdakja liasü.
Iba sentong tembangba sülen Farmers’ friends (FF) atema orientation programme ka katsü. Iba sentong ya Vizonyu Liezie, DAO & PD (ATMA), Kohima leniba nung agi aser sentong nung FFs 32 dena liasü.