NAPAD-i scheme teyari agitsü sangdonger

Dimapur, May 03 (TYO): Commissioner of Disabilities, Nagaland den Nagaland Parents Association for the Disabled (NAPAD)-i Kohima district nung mata mabensartem aser parnok tsüraburtem, anepalurtem, kinüngertem aser matamabensartem indang melungtet teloktem dang Health Insurance Cover indang scheme agitsü metetdaktsüogo.
Department of Empowerment of Persons with Disabilities, Ministry of Social Justice & Empowerment, Government of India kübok Swavlamban Health Insurance Scheme kübok New India Assurance Co.Ltd. ajanga matamabensartem nem sen dalang agi health insurance cover agütsür.
Iba dak sendakba nung Commissioner of Disabilities, Nagaland aser NAPAD-i matamabensartem, shirnok tenük tapok, tenük majung, Leprosy-Cured, tenarong timtem, Loco- Motor Disabilities, tekolok meshidak aser mental timtem lir, parnok dang iba scheme teyari agitsü metetdaktsüogo. (iba scheme kübok multiple Disabilities, Cerebral Palsy aser Autism bo madener).
Iba scheme teyari agitsü atema form ji NAPAD Office, Below Sakhrie Park, A.G Colony, Kohima nung angutsü.
Iba scheme atema nüngdakba kulikakettemji:-
1. Duly filled & signed Proposal Form.
2. Kibong züngsem shia Passport size Photo 2 (ana) aser Government ID Proof- Aadhar Card, Voters ID, Driving License.
3. Proposer-i total premium sen 3100 nungi shilem 10 agütsütsüsa akumtsü, iba scheme kübok Service Tax- sen 360/- ( Sen 310 den Service Tax).
4. Cancelled Cheque copy mesüra IFSC Code den Bank Account No.
5. Disability Certificate. Proposal Form den nüngdakba documents agütsütsü atema tatembangbuba anogoji May 20, 2017 nü asütsü.
Osang tejangja atema mesüra metetpelatsü atema NAPAD Secretary, Kapochu-o ( Mob. No. 9856683130) aser NAPAD Office Assistant, Phisalu (Mob. No. 8974658119) ajanga tongteprateptsü akok.