India restaurant ka Britain senpet atema tenüng benokogo

London, August 18 (Agencies): Britain Darwen jila nung aliba India nunger restaurant ka British tatar hoho “Tiffin Cup 2015” senpet atema tenüng benokogo, ta media ajanga metetdaktsü. Britain tatar hoho züngsemtemi iba tetoktepba sentong ya küm shia ayonga akar aser iba sentong nung Britain nung aliba Asia meyong restaurant tajungtiba nem senpet agütsür.
‘Akash Indian Brasserie’ restaurant-a Darwen MP Jake Berry ajanga iba senpet asoshi tenüng benoktsü, ta Lancashire Telegraph osang ajanga ashi.
Yaküm iba tetoktepba nung kanga takok ngua inyakba sülen taküma onoki Britain nung aliba India restaurant nung chiyungtsü anguba kar lemsatepner. Ni Akash takok angutsü imlar, ta India nunger Britain nung MP, Keith Vaz- ashi.
Iba tetoktepba ya taküm agi küm 10 buba akar aser MP temi par constituency nungi restaurant ka ka shimer, koba nung MP tem Tiffin Club ajanga senpet renemtsür.