Nisung 3 tsüksetba gari puogo

Dimapur, May 03 (TYO): Anogo ishika tejaklen Chumukedima aser Patkai apudong tsüngda gari kati nisung asem tsükseta yutsür ajenba ken o dak sendakba nung police-i gariji puogo, ta tanü Addl. Dy Commissioner of Police/PRO Dimapur, Nagaland-i sangdong ka nung metetdaktsü.
“April 30, 2017 nü nisung tsükseta yutsür ajenba ken o dak sendakba ken o bushisüngdangba mapang, Dimapur Traffic Police-i iba tatalokba nung sendakba gari bushiteta puogo. Gari anisangi Tata Mobile gariji Chathe ayong anasa tzülu ka nung toktsür ao. Gari anisangji tang tashi jenshia senzüdar, saka bushisüngdangba ajanga aibelenerji putettsü imlar,” ta sangdong nungsa shia lir.