South Africa nung train o gari na tsüktepba nung 15 asü

Johannesburg, August 18 (Agencies): South Africa anüdoklen taxi mini-bus ka apu nungi train lenmang nung lua tsüka train ka den tsüktepba lendong nung tajemba agi nisung 15 süogo, ta ketdangsertemi ashi.
“Nisung ter ser pongu tashi taküm samaogo,” ta Kwa-Zulu Natal province nung health otongdar Sam Mkhwanazi-i AFP osangbenertem dang ashi.
Iba lendong ya Durban yimti anasa ataloka liasü.
Private medical teyari angütsür, Netcare 911-i iba lendong atalokba tesemi kara kara oa atong aser parnoki ashiba agi mini-bus nung alir kija nisung 15 asü aser trok yiru.
Lendong tesem nung osang kar ajanga ashiba agi, taxi mini-bus ya apu tezülen nungi onzüka lua aruyaa aliba train ka jakdang tsüka liasü, ta Netcare 911 nung otongdar Chris Botha-i sangdong ka ajanga metetdaktsü.