NEC Secretariat nung E-office semzük

Kohima, May 04 (TYO): Minister of State DoNER aser Chairman, Dr. Jitendra Singh-i May 04, 2017 nü Ministry of DoNER, Vigyan Bhavan Annexe, New Delhi nungi Video Conferencing ajanga NEC Secretariat nung NEC e-Office semzüktsüogo, ta NEC Secretariat sangdong ka nung metetdaktsü.
Iba sentong nung Singh den Ministry of DoNER, Navin Verma, NEC züngsem, C K Das, NEC Secretary, Ram Muivah aser NEC DG, Neeta Verma nungera liasü.
e-Office ya National e-Governance Plan (NeGP) kübok Digital Workplace Solution Mission Mode Project ka lir aser iba ya National Informatics Centre (NIC)-i yanglua benoker.
Iba ya ajanga Central Secretariat Manual of e-Office Procedure (CSMeOP) nung ajemdaker sorkar inyakyim nung Single Product tanaben amshitettsü.
Tang e-Office application ya NEC Secretariat nung File Management System, Knowledge Management System aser Leave Management System den külemi inyaker.
Mapang tatsüka tsüngda NEC-i movements 705 aser e-Receipts 578 den movements 2522 dena e-files 129 yangluogo, ta sangdong nungsa shia lir.