Election Commission-i May 12 nü party ajak senden ayonger

New Delhi, May 04 (Agencies): Election Commission (EC)-i May 12, 2017 nü party ajak senden ka ayongogo, aser iba senden nung electronic voting machines (EVMs) nung timtem aliba onük lemsateptsü.
April 29, 2017 nü EC-i, EVMs ji raksaa amshitsü makok ta yimtenren party tem nem angatetdaktsütsü atema parnoki party ajak senden ka ayongzüktsü, ta metetdakja liasü.
Osangbenertem den jembidang Chief Election Commissioner, Nasim Zaidi-i, EC-i taruba election tem nungbo Voter-Verified Paper Audit Trail (VVPAT) amshitsü sentong lir, ta metetdaktsü.
“VVPAT alitsü atema onoki senotsü nguogo. Onoki VVPAT lakh 15 den PSUs ana Bharat Electronics Limited (BEL) aser Electronic Corporation of India (ECI) mangaogo,” ta Zaidi-i ashi.
Zaidi-isa, VVPAT machines lakh 15 ji 2018 küm September ita tashi nungbo angutsü, ta metetdaktsü.
Polling station ajak nung VVPATs amshiba mezüngbuba linükji India akumtsü.