Oppo-i India nung F3 smartphone sayaogo

Mumbai, May 4 (Agencies) : China nung smartphone yanglur Oppo-i Brihostibarnü selfie agitsü asoshi tongtibangser yangluba smartphone ka sen 19,990 agi India nung sayaogo aser iba phone ji Flipkart ajanga peria angutsü.
F3 smartphone ya May 13 nü nungi mezüng ayok tenzüktsü aser jilia manganertem asoshi May 04 nungi 12, 2017 tashi mapang lapoktsür. Talinertemi ano Oppo store tem ajangka jilia mangatettsü.
Oppo aser Board of Control for Cricket in India (BCCI) na senteper Indian cricket team indang jersey-a sayaogo.
“India Cricket team den loktepba ajanga Oppo-i lanurtem den tesendaktep tajung yutetba dang masü saka linük nung aliba lanurtem den parnoki aginüba ama selfie inyakyim agütsütettsü,” ta Global Vice President aser Oppo India President, Sky Li-i ashi.
F3 tejaklen camera ana keta lir — kija tangoktsü asoshi 16MP aser telok tangoktsü asoshi 8MP lens.
Iba smartphone ya octa-core processor agi mapa inyaker. Phone nung 4GB RAM inokja lir aser phone nung memory 64GB keta lir. Iba den külemi Operating System ColorOS 3.0 inokja lir.
“BCCI den Oppo sendaktepa akümba asoshi onoki pelar. Iba tesendaktep ajanga India nunger cricket tali ajungkettsü,” ta BCCI CEO, Rahul Johri-i ashi.