Salman indang bodyguard Bieber security atema shimogo

Mumbai, May 05 (Agencies) : Superstar Salman Khan indang bodyguard, Shera-a ‘Jio, Justin Bieber, Purpose World Tour’ security ketdangsütsü asoshi aniokogo.
Gurmeet Singh Jolly, shiba dang Shera ta ajar, pa ya Salman atema küm 20buba kanga dang temulung lemtet teyariteper ka ta züngshir.
Osang ajanga ashiba agi, tan ita tatemlen Justin Bieber India nung arua sentong agiba mapang security rangben Shera-i acha ayangtsü.
Salman-i Shera dang pai mapa tajung inyakba temaitsü sayua 2011 küm ‘Bodyguard’ film nung Shera’er ‘Tiger Security’ indang badge aser uniform amshi.
Tesüiba mapanga Shera-i international actor tem Will Smith, Jackie Chan aser Keanu Reaves nunger atema security ketdangsüja liasü.
White Fox India-i May 10, 2017 nung ayonga aliba sentong asoshi Grammy Award angusang, kentener Bieber May 08, 2017 nü India arua atongdang, pa agizüker rongnung Salman Khan-a adentsü akok.