Pak. SC-i Nawaz Sharif mittsüpur tenüngtem metetdaktsüogo

Islamabad, May 5 (Agencies) : Supreme Court (SC) nung züngsem asem agi akümba bench kati ‘Panama papers’ ken o atema SC obendang agütsür aliba den sema, Hokolbarnü Ato Kilonser Nawaz Sharif aser par kibong bendanglen shishilemba inyakyim bushisüngdanga mittsü asoshi nisung pungu tenüng metetdaktsüogo.
Parnoki metetdaktsüba ketdangser pungu tenüngemji Inter-Services Intelligence nungi Brigadier Nauman Saeed, State Bank of Pakistan nungi Aamer Aziz, Security & Exchange Commission of Pakistan, Bilal Rasool, National Accountability Bureau nungi Irfan Naeem Mangi aser Federal Investigation Agency (FIA) nungi Wajid Zia nungertem lir. Iba telok nung ya FIA director tekolak sür inyaktsü.
“JIT-i iba mapa ya tenzüka tembanger parnoki ngutetba tatembang osang April 20, 2017 nü metetdakja aliba ama agüjang,” ta Hokolbarnü tetuyuba agütsüogo.
Linük nung ajak dang temaba okadaki tuyuba ama inyaktsü asoshi SC nungi Chief Justice of Pakistan, Justice Mian Saqib Nisar tekolak sür züngsem asem agi akümba bench yagi tamalen, iba dak sendakba nung yimsüsü kari osang tiyazü bener aruba atema kanga jashia liasü.