Tanzania:School bus lendong nung nisung 31 asü

Dodoma, May 6 (Agencies) : Honibarnü Tanzania nung school bus ka lenmang lenerlen lua tsükokba lendong nung tanur timba sür, tajemba agi nisung 31 asü, ta ketdangsertemi ashi.
Karatu District Commissioner, Theresia Mahongo-i, iba school bus Arusha anasa Marera tenemtsüng nung lua tsükok aser gari nung mena aliba kaketshir tanur rongnungi nisung 28 den tesayur asem idangjisa asü, ta osangbenertemi ashi.
Mahongo-i, lendong ajuruba school bus nungji nisung ajak agi parnok nisung 35 mena liasü, ta ashi.
Item kaketshirtemji ‘inter-school mock examinations’ nung shilem agitsü asoshi anir aoerba iba lendong ataloka liasü.