Boko Haram-i bendanger pua yuner: US & UK

Abuja May 6 (Agencies) : Nigeria anüdoklentip tsütsü anüdoklen tesem nung Boko Haram teloki bendangertem pua ayutsü sentong yangluba anentsü asoshi United States aser Britain sorkar nati tetuyuba agütsüogo.
Cameroon arrtsü anasa Borno state kübok Bama tesem nung item telok yangi anüolen tesem nungi aruba bendangertem dak tenük yoker.
Nigeria nung amenoka aliba Boko Haram telokji military temi parnok atsüoka aliba tesemtem nungi meindokogo, ajisüaka parnoki linük anüdoklentip tsütsü anüdoklen tesem karbo ano amanglemer lir.
Ibaji ajanga teyari agütsüba teloktemi chiyungtsü peria mongui aliba nüburtem nem achi ajemtsü agütsüba maparen sadema meinyakteter. Anungji tang linük nung tangsa tang chiyungtsü nüngdakba nisung million 4.7 kümogo, ta United Nations-i metetdaktsü.
1945 küm United Nations kümtetba sülen nungi tang tashi nung nüburtem asoshi tebilemtsü tulu adokba rongnung Nigeria-a densema lir.
Tenungiter maru nungbo teyari agütsüba maparen anentsü, ta World Food Program-i metetdaktsüogo.