Dimapur Airport junction nung Bamboo Hub (Retail Outlet) semzük

Dimapur, May 06 (TYO): Tanü, May 06, 2017 nü Dimapur Airport Junction nung Nagaland Bamboo Development Agency-i Bamboo Hub(Retail Outlet) semzükogo, ta NBDA züngsem, M. Kichung Phom-i sangdong ka nung metetdaktsü.
Bamboo Hub ya Additional Secretary Muncipal Affairs GoN & Team Leader NBDA, Peter Lichamo NCS-i semzüktsü aser NBDA züngsem, Kevin Solo-i okila jembia liasü.
Ali kibur Yovotsoi Kikhi-i Bambo Hub meshiteta sarasademtsü aser iba tesem nung alir, Chosai GB (Kirha Village) leniba nung nüburtem iba sentong nung dena liasü.
Iba Bamboo Hub ya Menouholie Kire-i design asü (Kharu design) aser iba ya ajanga Self Help Groups aser artisan-i Nagaland nung yanglutetba handloom aser teka mapa balala nüngdak peritsütsü imlar.
Bamboo Hub ya entrepreneur, Atobo Kirha-i ketdangsütsü aser technical support Group ji NBDA asütsü, ta sangdong nungsa shia lir.