Rajnath-i anir Naxal khuret aliba state tem senden amentsü

New Delhi, May 7 (Agencies): Union Home Minister Rajnath Singh aser Maoist khuret aliba state 10 nungi chief minister tem Hombarnü ajurutepa senden ka amentsü.
Chhattisgarh kübok Sukma nung telungpurtemi CRPF sepai 25 tepsetba sülen, iba Maoist khuret azüoktsü atema Home Minister aser Chief Minister temi tebilembatem lemsateptsü.
Iba senden malidang CRPF indang anti-Naxal operations asoshi strategic command headquarters Kolkata nungi Chhattisgarh-i belenogo.
Senden nung osangtsüsang metetpelaba maparen tajunga akümtsü, Naxal tem anema tang teinyakdak mapa meyipa reprangshitsü, khuret ajurubatem reprangdangtsü aser sepaitem asüba tajemba kümdaktsütsü atema onüktem lemsateptsü, ta Home Ministry ketdangser kati ashi.
Senden nung mendenji Home Minister asütsü aser Chhattisgarh, Jharkhand, Odisha, West Bengal, Bihar, Maharashtra, Telangana, Uttar Pradesh, Madhya Pradesh aser Andhra Pradesh nungi Chief minister tem adentsü jaokogo.
Maneni Naxal khuret kanga aliba district 35 nungi District magistrates aser superintendents of police, den paramilitary force o intelligence agency tem adentsü.