Kohima nung yi shibelener ka apu

Dimapur, August 18 (TYO) : August 18, 2015 nü DEF Kohima nungi Anti Vehicle Theft Squad-i garitem mita reprangdang Mahindra Bolero gari ka nung yi bena aliba apu.
Mahindra Bolero (B/R No. AS-11E-8722) gari nungji yi tapu balala case 26 bena liasü aser iba dak sendakba nung Taj Uddin ta ser nisung ka puogo ta Sub-Divisional Police Officer & PRO Kohima sangdong ka nung shia lir.
Pa ya Karimganj, Assam kübok Jalpur yimer Suyar Ali’er jabaso lir ta jangjaogo aser Kohima North P.S nung pa anema ken o ka benokogo, ta sangdong nungsa shia lir.