Dimapur nung Hotel temi ‘Smoke Free Campaign’ nungiter

Dimapur, May 10 (TYO): May 10, 2017 nü CMO Conference Hall nung Dimapur nung aliba hotel tem atema COTPA 2003 kübok section 4 dak sendakba awareness sentong ka agiogo, aser iba sentong nung tongtibang hotel 15 nungi Manager tem dena liasü.
Iba sentong nung jembidang DNO NTCP, Dr. C Tetseo-i, hotel tem nung moko achiba mesüra moko pongsang intokba (ashtray) aser mitsüktsü ayutsü memelar, aser hotel temi ibaji tezüluba nung zülua ayutsüla, ta metetdaktsü.
Iba section kübok aibelenra senchi 200 lir.
Iba dak sendakba nung Dimapur nung hotel 15 nungi manager temi ‘Smoke free Dimapur’ mapatong nungittsü melungogo.
Dr. C Tetseo-isa tanga hotel tem danga ‘smoke free’ telatetba nung anidaktsüla ta ajungshiba den mapangshia hotel tem mita reprangtsü, ta metetdaktsü.