Asian Wrestling nung Sakshi Malik aser Vinesh Phogat-na Silver angu

New Delhi, May 12 (Agencies): Rio Olympics nung bronze angula, Sakshi Malik densema India tsür asemi Asian Wrestling Championship nung silver angu.
India tsür asemprong ya Japan tsüri dang tsükdaktsü.
Seret 48 telemsa nung India tsür, Ritu Phogat-i bronze ngutet. Ritu aser China tsür Sun Yanan-na tasembuba jenjang atema melangteptsü liasü saka China tsürla yiruba ajanga masayatettsüsa aküm aser Ritu nem bronze agütsü.
Gold atema melangtepba nung Sakshi (seret 60) aser Divya Kakran (seret 69) na-prong minute 6 tembanga menokdaktet. Vinesh (seret 55)-i kanga meranga melangtep saka lai-a takok monguteti asaya tembang.
Sakshi ya Japan tsür Risako Kawai den melangtepba nung Rio Olympics nung seret 63 telemsa nung gold ngur alila, Risako-i minute 2 aser second 44 nung points 10-0 ngua Sakshi bongmang samatsü.
Vinesh ya yirur mapang talangka lir iba tournament nung Japan tsür Sae Nanjo-i final asaya nung 8-4 agi takok angu.