JP Nadda-i pneumonia & meningitis vaccine sayatsü

Mandi, May 13 (Agencies): Honibarnü Union Minister of Health and Family Welfare, JP Nadda-i pneumonia aser meningitis indang vaccine sayatsüogo.
Universal Immunisation Programme kübok Nadda-i pneumococcal conjugate vaccine sayatsü aser iba ya tanurtem pneumococcal tashidak nungi nokdangtsü atema yangluba lir.
Himachal Pradesh kübok Mandi jla nung sentong ka agidang Nadda-i vaccine ji sayatsü. “Linük nung tanur shingavaccine agi nokdangtetba tashidak agi taküm mesamadaktsütsüla aser ibaji ozü sorkar indang alizüng lir” ta pai ashi.
“Onoki tanurtem asüba ajema kümdaktsütsü aser asen chirnurtem temang anema alibaren tajungba kümdaktsütsü atema tenangzükba lir” ta paisa shisem.
Iba vaccine sayaba ya India indang immunisation programme asoshi tongtipang mapa ka lir, ta Union Health Minister-isa metetdaktsü.