KVSU-i kaketshirtem nem tenüngsang agütsü

Kohima, May 13 (TYO): May 12, 2017 nü Kohima Village Students’ Union(KVSU)-i HSLC aser HSSLC Examination 2017 nung takok anngur nem tenüngsang agütsüba sentong ka ayongzüka agi.
Iba sentong ya Kohima village council hall nung agi aser Kohima Village Chairman, Dr. Neiphi Kire-i tajungshi o jembidang, kaketshirtemi takok anguba atema tenüngsang agütsü.
Sentong nung takok angurtem tenüng nungi Ms. Visienuo Dzüvichü (HSLC Rank 19th) aser Mr. Nilakienyü Liezietsü (HSSLC Arts Rank 8th) nati o jembi.
Sentong nungsa Ms. Mengutseinuo Kire-i Lovely Professional University nungi Sociology nung Gold Medalist anguba atema tenüng agüja liasü.
KVSU Education & Statistical Secy., Mr. Thejakhrietuo-i osang metetdaktsüdang, kaketshir 244-i HSLC aser HSSLC kaketshir 166-i takok angu.
Sentong nung mendenji KVSU President, Khrietuo Pienyü liasü aser KVSU Gen. Secy, Keneingunuo Keretsü-i anküp tepela o jembi.