Tasembuba round nung Harika tamakok angu

Malmo, May 13 (Agencies): Hokolbar aonung TePe Sigrman & Co. Chess tournament tasembuba round nung Indian Grand Master Harika Dronavalli-i Sweden nunger GM Erik Blomqvist makok.
Harika-i asaya kanga junga tenzük saka Erik-i maneni la nem pressure agüja asayaba ajanga lai iba saya makok. “Iba asayamong nung round ana tashi nung kanga junga asayaba sülen tasembuba asaya nung aibelenba ajanga tongtibang point laluogo,” ta asaya tembangba sülen Harika-i ashi.
Iba asayamong nung la 6buba jenjang nung lir aser la taruba asaya mezüngbuba jenjang nung alisang Georgia nungi GM Baadur Jobava den asayatsü.