Gari nung nisung kwi amentsüar ARAI lateter

Dimapur, May 14 (TYO) : Koba gari südir süaka, gari nung nisung kwi amentsülar, ibajibo tetendanger “Automotive Regulatory Association of India (ARAI), International centre for automotive technology (ICAT) Vehicle Research & Development Establishment (VRDE) ajanga tendanger dang lateter ta Regional Transport Authority (RTA) ajanga jangjashitsüogo.
Item maparen ajakji Ministry of Road transport, & highways kübok inyaker aser garitem register asüba mapatem State Transport Authority, Government of Nagaland ajanga inyaker ta RTA ajangasa metetdaktsü.
Item gari tendangertemi gari shia nung nisung amentsü latetja akabaji, Mahindra Minidor (II) (6+1) Mahindra Champion Deluxe (6+1) Mahindra. Minidor (II) DI (5+l)Mahindra Alfa LSM (3+1) Mahindra Alfa PAX Champ & Comfy (3+1) Bajaj autos’ (3+1) lir, item ajakji Registration Certificate aser Permit nung züluja lir.
Ajisüaka, Dimapur aser temeket nung senzür auto rickshaw-temi lateta yutsüba dak tali nisung mendaktsür anir senzür, ibaji Sec. 21(10) 123 125 MV act of 1988 anema lir ta RTA-isa metetdaktsü.
Anungji, nübortem lendongi maitsüsa auto rickshaw anishirtemi nisung tali bener mejajatsüla ta Deputy Commissioner & RTA, Dimapur nung mendenbubai metetdaktsüogo.