2017 Champions Trophy atema ICC-i sempet sen $500,000 ajungkettsü

Dubai, May 14 (Agencies): England nung June 1 nungi tenzüka asayatsü aliba Champions Trophy 2017 atema sempet sen $500,000 tali ajungkettsüba osang ka International Cricket Council (ICC) ajanga sangdongogo. Takoker indang shilem sen million $ 2.2 densema sempet sen ajak agi million $ 4.5 kümogo.
“England aser Wales nung June 1 nungi June 18 tashi asayatsü aliba ICC Champions Trophy indang sempet ajunga agi million $ 4.5 alitsü aser telok 8 asayaba nung takoker-i sen million $ 2.2 agizüktsü,” ta ICC-i sangdong.
Iba asayamong nung tanabuba jenjang anguba teloki sen million $ 1.1 aser semi-final asayar telok anaronglai sen $ 450,000 agizüktsü. Group shia tasembuba jenjang nung tempaner teloki sen $ 90,000 agizüktsü aser tsünglangba nung tempanger teloki shia-i sen $ 60,000 agizüktsü.