India nunger asangur chanu kati satellite tepongbatiba yanglutet

Karur, May 16, 2017 (Agencies) : India nunger asangur chanu kati alima nung satellite tepongbatiba yanglutetogo. Iba satellite ya June ita US nung NASA facility ajanga anünglak-i yoktsü.
Rifath Shaarook-i yanglutetba 64-gram (0.14 lb) device ya NASA-i co-sponsor asüba tetoktepba nung mezüngbuba jenjang nguteta liasü.
Arishi küm 18 tain India nungbai-i ashiba agi, pa shidakba nükjidongjibo ‘3-D printed carbon fibre’ inyakyim sayutsüba liasü.
Rifath-i osangbenertem dang ashiba agi, pai yanglutetba oset ya ghonda 4 sub-orbital flight ka atema yoktsü. Iba mapang satellite tepongba ya minute 12-shi anüng tom ‘micro-gravity environment’ nung mapa inyaktsü.
“Onoki iba oset ya tazüngla nungi yanglutet. Iba nung ya on-board computer tapu tasen ka aser alima ‘acceleration’, ‘rotation’ aser ‘magnetosphere’ asadangtsü asoshi indigenous built-in sensors 8 keta yanglutsü,” ta pai ashi.
Iba satellite nem nüngja taoba India tir, Abdul Kalam tenüng nung ‘KalamSat’ agütsüogo.
Pa mapa ya ‘Cubes in Space’ ta ser tetoktepba ka NASA aser education company idoodle-i ayongzüka akaba nung shimteta liasü.
Rifath ya Tamil Nadu kübok yimtsüng tila ka nungi lir aser pa tang Chennai nung amener aliba Space Kidz India nung lead scientist ama inyakdar. Space Kidz India ya India nunger tanur aser lanurtem rongnung science aser education ajungkettsü asoshi amenokba telok ka lir.
‘KalamSat’ pai ngutetba rongnung mezüngbuba masü. Pai küm 15 asüdang helium weather balloon ka ‘young scientists’ tetoktepba atema yanglua liasü.