Sen lakh 5.45 jenjang Maruti Suzuki DZire tasenba sayaogo

May 16, 2017 (Agencies): Maruti Suzuki-i, kanga dang yongyaa aliba gari ‘DZire’ petrol variant jenjang sen lakh 5.45 aser diesel virant jenjang sen lakh 6.45 yong sayaogo.
Iba gari ya taoba mapang nungbo ‘Swift DZire’ ta jaa liasü saka tang gari tasenba atema ‘Swift’ nüngjaji toktsür ‘DZire’ ta dang ajatsü.
‘DZire’ gari tasenba nung taoba mapang ama kasa 1.2-litre petrol engine keta lir aser iba ajanga 82 bhp aser torque 113 Nm agütsür. 1.3-litre diesel engine ajanga 74 bhp aser torque 190 Nm agütsür. Petrol engine nung totzü litre ka agi kilometre 22 senzütettsü aser diesel engine nung totsü liter ka agi kilometre 28.4 senzütettsü.
Lxi/Ldi variant dak alaka tanga variant ajak nung Maruti Suzuki AMT transmission option, Auto Gear Shift (AGS) keta lir.
Design melenshiba ren nung reprangdangra ‘DZire’ gari tasenba nung tejaklen ‘bold chrome finished grille’ aser ‘projector headlamp’ tasen inoka lir. Gari tasenba nung ‘side profile’ bo taoba gari den kasashi dang lir. DZire tasenba nung ano ’15-inch diamond cut alloy wheel’ tasen inoksema lir.
Tesülen tail-light tem design tasen nung tangbo ‘LED units’ kümogo.
Maneni gari telunglena temelenshitem rongnung AC vent, touchscreen infotainment system aser ‘faux wooden accents’ densema ‘flat bottom steering wheel’ inoksema lir.
Maruti Suzuki company ajanga ashiba agi, tang tashi nung gari 33,000 bo mekaa dokogo aser gari sayaba nü nungi agütsü tenzüktsü.
Shishilembadak DZier tasenba ya Tata Tigor, Ford Aspire, Hyundai Xcent, Honda Amaze aser Volkswagen Ameo amala gari tem den jenjang ka nung tokteptsü.