Dimapur nung nisung ka khaset

Dimapur, May 15 (TYO): Hombar anüngdang 12:00 ako meta New Dhansiri bridge, Dimapur anasa nisung ka khaset.
Tasüsangji Vivito Zhimomi ta jangjaogo aser pa ya Thungsai Khiam’er jabaso aser 4th Mile, Dimapur nung telidak liasü.
Vivito dak tekolak nung injang khaloktsüba zübo liasü. Pa ya Naga Yimten telok ka nung züngsem liasü ta jembiba angazüker saka iba osangji jangjatsü atema bushisüngdang südar, ta ADCP/PRO Dimapur Police-i sangdong ka nung metetdaktsü.
Vivito aser pa khasetsang tena külemi angu aser iba sülen khasetsangji tetsüng agi asema oya angu ta osang angazükogo. Iba tatalokba atema bushisüngdang ka tenzükogo, ta Dimapur Police sangdong nungsa shia lir.