High Court-i UP nung ketdangser, yimsüsür tanurtem government primary school nung züngdaktsütsü tuyur

Allahabad, August 18 (Agencies): Mongulbarnü Allahabad high court-i Uttar Pradesh nung primary school tem tia kanga mejungi aliba atema chief secretary nem tetuyuba ka agütsüogo.
Sorkar ketdangsertem/mapa inyakertem, local bodies nung mapa inyakertem, yimsüsürtem, aser okadak inyakertemi pei chirnurtem item school nung züngdaktsütsüla. Ibaji asü nungdang parnoki school nüngdakbatem atema süoki ia bilemtsü aser mapa inyaktsütsü, ta Allahabad high court-i chief secretary dang ashi.
Umesh Kumar Singh aser nisung aikati iba onük atema ken o benokba angadangdang Justice Sudhir Agarwal-i state chief secretary dang ita trok tsüngda iba tetuyuba dak sendakba mapa inyaktsü shiogo.
Taruba academic session nungi primary school tem nung tetuyuba sülen anidaktsü atema Allahabad high court-i chief secretary nem mapa nungloktsüogo.