“Usha School of Athletics” Kerala nung lapoktsü

Dew Delhi, May 16 (Agencies) : Nüngtugu athlete PT Usha-i Minister of Youth Affairs & Sports Shri Vijay Goel den pa office nung tanü ajurutepogo. Usha-i June 15nü Kerala, Kozhikode nung la indang academy tasenba lapokba sentong nung Goel arua adentsü asoshi jaoka liasü. Iba academy tasenba nem nüngja “Usha School of Athletics” ta agütsüogo aser idaki athlete tem nem training agüja anitettsü.
Iba academy yagi ali acre 30 tashi mekazüka lir, aser Centre-i sen agüja crore 8.5 indoka yanglu. Iba academy indang tongtibangtiba feature ji 8-lane synthetic track ya lir. Tanga feature tem rongnung; mud track ka, takdang 40 aliba hostel ka aser gymnasium ka ta densema lir. Academy nung athlete tem yaritsü asoshi training agir aliba coach tem aser tanga tongtibang ketdangsertem team ka alitsü.
Vijay Goel-i Usha dang maparen takok ngua aotsü asoshi imlaba lemsatepba den külemi academy ajanga India nungi alima den tokteptettsüsa athlete tem adokdaktsütsü asoshi sorkari takok tashi yaritsü nangzük.