Dimapur nung nisung ka tsükset

Dimapur, May 16 (TYO): May 15, 2017 nü Dimapur nung mejangjatetba gari kati nisung ka tsükset. Iba lendong ya Showuba yim anasa atalok.
Tasüsangji arishi küm 68 tain Vihoto Aye ta jangjaogo aser pa K Hollohon yim nung telidak liasü, ta Traffic police-i metetdaktsü.
Yashi anüngdang Vihoto ji cycle anir oya lia, mejangjatetba gari kati pa dak tsüker jena ao. Süisübongertemi pa CISHR-i anir oa anepalu saka ghonda ishika lir pa asü, ta Traffic police-isa ashi.