Lenovo Customer tasentem nem Stellar Data Recovery Software agütsütsü

May 17, 2017 (Agencies): Alima ajunga “WannaCrypt” attack ajanga makmakshishiba mapang ka nung New Jersey nung amener aliba ‘Stellar Data Recovery’ ajanga Bodhbarnü India nung parnok costumer tem kümzüka ayutsü asoshi Lenovo den longjemba osang sangdongogo.
Stellar ajanga data recovery software ‘Stellar Phoenix Windows Data Recovery’ India nung Lenovo customer tem nem agütsütsü. Iba ajanga taküm tepeyong atema parnok data kümzüka yutettsü.
Lenovo meyong laptop aser desktop tem tasen aliba mapang customer nem “Stellar Phoenix Windows Data Recovery” software angati agütsütsü.
“Lenovo customer shirnoki parnok indang e-store www.thedostore.com nungi computer alidir parnok asoshi Stellar indang ‘Do-It-Yourself data recovery software’ ajanga ‘first-aid solution’ ama tajangzük agütsütsü,” ta CEO, Stellar Data Recovery Sunil Chandna-i ashi.
“Onoki onok customer tem parnok data aibelena delet asüba aser formate asüba nungi kümzüka yutetba ajanga anisüngzük ka agütsüner. Iba jenjang tongtettsü asoshi Stellar den longjemer inyaktsü asoshi pelaa bilemer,” ta Executive Director-Services, Lenovo Asia Pacific Sudipto Ghosh-i ashi.
Stellar Data Recovery ya Phoenix data recovery Tools, Disk utilities aser in-lab data recovery services nung mongin lir.