S.P Kohima-i National Highway atema tetuyuba agütsür

Dimapur, May 17 (TYO): Kohima Police-i National Highway nung garitem senzütsü tetuyuba tasen kar agütsüogo.
Dimapur nungi Kohima-i aruba garitem ajak Peducha nungi 10 mile, Tsiesema leni yoktsü aser Kohima nungi Dimapur-i aoba garitem ajak Zubza CRPF camp nungi Kiruphema-i yoktsü, ta Senior Superintendent of Police, Kohima-i metetdaktsü.
Kohima aser Dimapur tsüngda National Highway yanglushitsü atema iba temelenshi ya alir. Anungji, Kohima aser Dimapur tsüngda senzürtemi Highway meyangluzüktsü tashi timtema arema atatsü mepishir, ta S.P. Kohima-isa sangdong nung shia lir.