Italian Open nung Fabio Fognini-i Andy Murray tsükdaktsü

Rome, May 17 (Agencies): Taoba küm Italian Open marok bena alisang aser World No. 1, Andy Murray ya Mongulbarnü Fabio Fognini-i 6-2, 6-4 agi tsükdaktsüogo.
Taoba mapang U.S Open akokla, Flavia Pennetta, shiba mezüng tanur asotsü mapang lir, la kinüngbu, Fabio-i Andy Murray madak mezüng takok angur alitsü.
Serbia nunger Novak Djokovic-i jenjang 55buba nung alisang Aljaz Bedene madak 7-6(2), 6-2 agi takok angu.
World No. 2, Novak Djokovic ya Madrid Open semi-final nung Rafael Nadal-i tsükdaktsü.
Kasa asayamong nung Marin Cilic-i America nunger Ryan Harrison madak takok angu aser World No. 9, David Goffin-ia Spain nunger Fernando Vardasco madak takok angu.
David Ferrer-ia Feliciano Lopez madak takok angu aser iba asaya akokba ajanga pa indang career nung asaya 700buba akoker liasü.
Australia nunger Nick Kyrgios bo yiruba ajanga iba asayamong nungi anentsüsa aküm.
Bodhbarnü asaya nung Nadal aser Spain nunger Nicolas Almagro-na asayatsü aser World No. 3, Stan Wawrinka aser France nunger Benoit Paire-na asayatsü.