Modi-i nangzükba ama meinyaker: Rahul

Amethi, August 19 (Agencies): Congress tatong Tir Rahul Gandhi-i maneni Black money ken o nung tanü-a Ato kilonser Narendra Modi aija, pai (Modi) nangzükba ama meinyaker, ta aitsüogo.

Rahul-i pa adokba Parliamentary constituency Amethi anogo ananü asoshi semdanga lir aser tanü iba constituency kübok Tahiyawan yimtsüng nung senden ka nung jembidang pai, “Lok Sabha election mapang nung Modi-i bendanglen rizünga aliba ochimashi sen meyipa bener arutsü aser senso shia bank account nung sen lakh 15 inoktsütsü ta nangzükogo. Iba sen jagi nenok ket tonger ma (?),” ta ashi.

“Na kuch mila hai, na kuch milega (kecha ngua mali aser kecha mangutsü),” ta paisa ashi.

“Modi-i o agi dang jembir saka pai jembiba ama inyaktsü nükjidong mali,” ta pai ashi.

Congress lenirisa, pai kodang taoba mapang IPL commissioner Lalit Modi indang ken o jembidir Ato kilonseri ola madoker, ta ashi.

Congress nung inyakertemi Ramnagar, Tikari, Kalyanpur, Piparpur, Ayodhyanagar aser Bhadar yimtsüngtem nung pa agizüka liasü.

Tanep Rahul-i Amethi nungi Uttar Pradesh Congress Committee züngsemtem Munshiganj guest house ajurua liasü, aser iba senden nung 2017 küm state Assembly election atema aser party candidate tem atema jembia liasü.

Iba senden nung züngsemtem jagi taoba mapang nung tamakok angur candidate tem nembo party ticket magütsütsü asoshi benoka liasü aser Congress lenir Rahul-i ibaji melunga agizükogo, ta osang ka ajanga ashi.