32 AR-i prangpong shibelener ka apu

Dimapur, May 19 (TYO): Prangpong shibelener aliba osang tejangja ka lazükba sülen May 19, 2017 nü 32 Assam Rifles den police züngsemtemi Dimapur, Burma Camp kiyong mita oa liasü, aser iba mapang nung Assam Rifles sepaitemi nisung ka ket nungi pt 32 mm Pistol ka den magazine aser pt 32 mm injang ana apu, ta AR sangdong ka nung metetdaktsü.
Tang pua alisangji Dimapur District, Lhokheto Colony nung alir arishi küm 65, Xvihosha Zhimo lir ta jangjaogo; maneni bushisüngdangtsü atema pa den pa ket nungi apuba prangpong aser injangji East Police Station, Dimapur ket nung agütsüogo, ta kasa sangdong nungsa shia lir.