9buba OBT nung telok 20-i shilem agitsü

Dimapur, May 20 (TYO) : Nagaland Basketball Association (NBA) aser Suncity Club Kohima nati ayongzükba 9buba Open Basketball Tournament(OBT) nung telok 20-i shilem agitsü.
Iba asayamong May 24 nungi 27 tashi Khouchiezie, Kohima Local Ground nung akatsü.
Asayamong nung shilem agitsüba teloktem yamai alitsü; Amplified , Kohima; Taurus, Kohima; Team Mystic Ballers (A), Kohima; Werewolves, Kohima; Dorians, Dimapur; Highland Dazzlers, Mokokchung; Tiyi Hoppers, Wokha; Buzzards, S.Naga Trouncers, Skyhooks, Kohima; Team Oroa, Kohima; Stingrays, Kohima; Waxbill, Kohima; St. Joseph College, Jakhama; Kohima Chiefs, Team Titans, Doberman, Team Mystic Ballers(B) aser Team Airhogs Kohima.
Amplified , Kohima; Taurus, Kohima; Team Mystic Ballers (A), Kohima aser Werewolves, Kohima nunger nem mezüngbuba round bye agütsüogo aser parnok pool leader asütsü.
1buba round nung team 16 asayatsü aser item rongnungi takoker telok 8 2buba round nung bye nung aliba telok 4 den külemi asayatsü. Iba round ya league round asütsü aser takoker 4 semifinal asayatsü.
Iba asayamong nung features tasentemji: Indoors roofing, asayartem aser tereprangertem atema Food court, digital score board, hydraulic rings, LED board display , Live coevarge aser final anogo nung Live DJ alitsü.
Honibarnü 9buba BOT omen ken Youtube nung officially sayaogo.
Basketball asayatsü aser reprangtsü jangrartem aika arua iba asayamong nung shilem agitsü asoshi imlar. Asayatem anüngdang aser aongnung asayatsü aser nisungshia ticket sen 50 alitsü.
May 24 nü nikongtsütsü 3:00 ako nung asayamong lapokba sentong akatsü. Iba sentong nung Youth Resources & Sports parliamentary secretary Khekaho Assumi tongtitesemdanger asütsü. Maneni sentong nung pelaa agizükba o Zhaleo Rio, Rtd IAS aser MLA aser President of Nagaland Basketball Association(NBA)-i jembitsü.
Asayamong tetenzük asaya St. Joseph College, Jakhama aser S.Naga Trouncers na asayatsü.
May 27 nü final masaya tsüngda sub-junior exhibition match ka asayatsü.