KYO-i sorkar & Construction Company dang metetdaktsür

Dimapur, May 20 (TYO): Dimapur aser Kohima tsüngda NH.29 nung four lane atema ali tutuktsü tenzükba sülen Kiruphema yimtsüng kübok Peducha nung anentsüh alua lir. Iba timtem ya tzünglu aruba aser four laning construction company (Gayatri)-i ali mashi endokba ajanga ajuru, ta Kiruphema Youth Organisation (KYO)-i metetdaktsü.
Iba khuret ajanga garitem senzütsü asoshi timtem ajurur aser gari tilatem Peducha nungi Kiruphema (Basa/Bawe), Shalom Bible seminary nungi Secü Zubza len senzütsüsa kümogo. Anungji, sorkari “by-pass” road temesü ya ulushia yanglutsü mepishir aser iba dak sendakba mapaji KYO-i ketdangsüa reprangtsü, ta parnokia ashi.
Sorkari tekaratiba nung gari lenmang meyanglura, gari lenmang nung gari aika mesenzütettsü aser iba atema KYO-i lenmang yanglutsü atema shibangtsüsa akümtsü, ta KYO-isa ashi.
Maneni, KYO ketdangpur-temisa Kiruphema lushi nung (Bamboo Hotel anasa Noumvürü ayong nungi Essar petrol pump anasa Dierü tashi) KYO dang asüngdangya mesüi ali meindoktsü tetuyuba agütsüogo.
KYO-isa four laning construction company dang Kiruphema lushi nung takoksa ajurubatem asadangtsü aser takoksa ajurutem nem tekaratiba nung temenok agütsütsü metetdaktsüogo.
Kiruphema lushi nung anentsüh ajanga timtem ajururtemi 8730953383, 8974343540, 9862667194 & 8730877857 number tem nung tongteprateptsü metetdaktsür, ta KYO-isa ashi.