Prof. Pardeshi Lal-i NU nung VC inyaker

Dimapur, May 20 (TYO): May 18, 2017 nü Nagaland University nung Zoology Professor, Prof. Pardeshi Lal-i Nagaland University (Central University) nung Vice Chancellor inyaktsü mapa agizükogo.
Nagaland University indang otsü nung, university nung teinyakdak Professor ka Vice Chancellor shimbaji tang mezüng lir.
Prof. Lal ya 1997 küm Zoology nung Professor inyaktsü shim. Pai Vice Chancellor mapa meinyakdang, Head of Department (HoD), Professor Incharge (PIC) in Lumami during Transit Headquarters in Kohima, Dean of School of Sciences, Controller of Examinations aser Pro Vice Chancellor mapatem inyakogo.
University Grants Commission (UGC) telatetba nung, küm 10 tashi professor inyakba nisung ka Vice Chancellor shimtsü akok ta shia lir. Vice Chancellor indang kümsükji küm pungu mesüra arishi küm 70 tashi lir.
University ka nung Vice Chancellor ka tanaben iba kasa mapa atema shimtsü makok.