Naga Students’ Federation mungdang amungtsü mazüngi renemteper

Mokokchung, May 20: Naga Students’ Federation (NSF) pur 27 buba lokti senden sentong “Amelioration” omen dak rangloker May ita 30 nung June 2, 2017 tashi Ao Kaketshir Mungdang (AKM)-i host süa Tzürangkong Range nung amungtsü asoshi luden balala shima mazüngi inyaktepdaki.
Iba sentong nung NSF kübok telen balala nungi tejaokertem, kin balala nungi yar tsüngsang nung shilem agitsüpur telok balala, kidanger state balala nungi kaketshir teloktem, Myanmar nungi densema aser sentong nung shilem agirtem aser official dena nisung ajak agi meyi ana shi arua adentsü imladaki.
Taküm iba sentong nung tongti tejaokertemji; Union Minister of State for home Affairs (GOI) Kiren Rijiju, Nagaland Chief Minister Dr. Shürhozelie Liezietsü, PWD (R&B) Minister Y. Vikheho Swu, CAWD & Taxes Parliamentary Secretary Dr. Benjongliba Aier, Lok Sabha MP Neiphiu Rio, Legal Metrology & Consumer Affairs Parliamentary Secretary (Govt of Arunachal Pradesh) Laisam Samai aser Nagaland Chief Secretary Pankaj Kumar IAS nungertem asütsü.
Iba mungdang dak sentakba nung May 20 nü NSF central organizing committee (COC) convener Kelhouneizo Yhome den NSF tir Subenthung Kithan nati anir par külem medemertemi AKM planning committee aser local organzing committee pur den Tzürangkong nung mensem ka kaogo. Iba mensem nungji tongtibangsa tang aruya aliba NSF mungdang mapalem tapu balala jembia liasü.