ITI, Mkg nung Construction Workers atema training agidar

May 22, 2017 nü Industrial Training Institute (ITI), Mokokchung nung hopta ka piyong construction workers training nung Mokokchung ADC, Sachin Jaiswal IAS-i jembiba noksa nung angur.

Mokokchung, May 22 (TYO): Year of Construction Workers (2017) nüngtem nung Zynorique team-i ayongzüka hopta ka piyong construction workers atema training ka tanü Industrial Training Institute (ITI) Mokokchung nung tenzükogo.
Iba sentong nung jembidang Mokokchung Addl. Deputy Commissioner, Sachin Jaiswal-i training agirtem dang iba maongka agia teka mapa nung asentenshitsü ayongzük.
Paisa, nisung kati pei inyakba mapa agi nümatanga alitsüla, kechiyong mapa ajakji kasa tongtibang, ta metetdaktsü.
Paisa training agirtem dang training tembanga agiba sülen ajaki pei nükjidong atongtsü atema mera tilala agia nendaka inyaktsü ayongzük.
Marepkong ward Chairman-ia tayongzükba o jembia liasü aser Marepkong ward Pastor-i sarasadema liasü.
Iba sentong ya Principal ITI, Mokokchung Er. T. Imlisunep Ao leniba nung agi aser nisung 40-i iba training nung tendar.