Real Madrid-i La Liga kokogo

Madrid, May 22 (Agencies): Real Madrid teloki Deobarnü Malaga madak goal 2-0 agi koka La Liga title 33ben buba benogo. Iba takok ya parnok asoshi küm 5 tsüngda nung mezüngbuba alitsü.
Asaya tenzüker minute ana buba nung Ronaldo-i goal ka agütsü aser iba sülen asaya tanabuba shilem tenzüker minute 10buba nung Benzema-i tanabuba goal agüja parnoki iba asaya akokba den külemi La Liga title akok.
Madrid telok tanabuba jenjang nung liasü saka Barcelona telok dang nungi point 3 talila nguteta iba title akok. Luis Enrique asoshi Barca coach ama tatembangbuba asaya nung par teloki Eibar goal 4-2 agi akok saka title akoktsü asoshi ibaji teberi masü liasü. Parnoki taküm La Liga title akok asünungbo parnoki küm asem atonga iba title akoker süla.
“Kodang league title kokdir ajak asoshi kanga tongtibang lir aser iba takok ya Real Madrid asoshi kanga tongtibangtiba lir kechiyong iba club ya alima nung tajungtiba lir,” ta Madrid coach Zinedine Zidane-i ashi.
League akoktsü asoshi Real pur point ka dang nüngdaka liasü.
“Iba takok ya asaya 38 tashi kanga jung asayatetba sempet lir. Iba teloki iba takok angutsü temsüa lir,” ta Madrid captain Sergio Ramos-i ashi.