Manipur nungi Neroca FC teloki I-League 2nd Division akok

New Delhi, May 22 (Agencies): I-League Second Division nung Manipur nungi Neroca FC teloki Lonestar Kashmir telok nem goal 4 agüja iba takok amrok benogo. Northeast nungi Neroca FC telok ya mezüngbuba iba I-League Second Division akoker asütsü. Asaya tatem nung Neroca FC-i goal 4 aser Lonestar Kashmir teloki goal 1 agütsüteta asaya tembang.
Kashmir nung takok anguba ajanga Neroca FC telok ya asaya 9 nungi points 23 ngutet aser Kolkatas Southern Samity telok dang nungi point 7 agi timba akum.
“Aizawl FC-i takok anguba sülen anu North East nungi telok kati nisan azük nung yimdaktsür,” ta AIFF general secretary, Kushal Das-i Neroca FC tenüng sanga ashi.
“Iba takok ajanga saisapong nung shilem agitsü tali ajungshitsü ni amanger, aser iba ji Manipur nungi tenzüktsü,” ta pai shisem.
Zonal round asayadang Mohammedan Sporting den 2017 January nung tamakok aluba dak alaka Neroca FC ajanga Lonestar Kashmir FC madak takok anguba densema asaya 12 nung khen-a tamakok malui asayatet.
Final round asayadang, Raikhan-i sayuba Neroca FC nem tangar teloki asaya 8 nung goal asem dang agütsütet saka par teloki goal 15 dang tali agütsüteta liasü.