Kohima nung angati football grassroots camp tenzükogo

Kohima, May 22 (TYO): Nagaland Football Coaches Association (NFCA)-i achaayanga “Make Football Happen” omen nung ajemdaker anogo 5 atema angati football grassroots camp ka Kohima Local Ground nung May 22 anogo tenzükogo.
Tanurtem arishi küm 6 nungi 12 tsüngda nung alirtem aika iba camp nung shilem agidar. Iba camp ya May 26 nü tembangtsü.
Osangbenertem den jembidang NFCA tir, Roko Angami-i ashiba agi, iba football camp ya grassroots jenjang nung football ajungkettsü nükjidong nung tenzük, koba football temaba jenjangi ajungkettsü asoshi tongtibangtiba lir.
Paisa ashiba agi, iba sentong district ajak nung agitsü asoshi Association sentong lir. Maneni grassroots jenjang nung asayamong ayonga akatsü asoshia sentong lir.
Camp tenzüktsüba mapang anogoshia nikongtsütsü 3:30 ako nungi tenzüktsü, ta temelenshi ka ketdangertemi metetdaktsü.