UP nung tatidang asoshi Aadhaar number compulsory akümtsü

Lucknow, May 23 (Agencies): Board exams atema tatidang form fill up asüba mapang Aadhaar number inoksemtsü asoshi UP Board of Secondary Education-i compulsory kümdaktsüogo.
Iba sentong ya tiyazü tenüng züngoksemba aser form fill up asüba nokdangtsü nükjidong nung tenzük.
“Sorkari kaketshir ajak nem parnok nija maitsü kaka agütsütsü mechi nung Aadhaar den sendaktepner aser iba ajanga class IX aser XI nung ashioktsütsü meranga tenüng züngoksemba aser class X aser XII nung mejangjai form fill up asübatem nokdangtettsü,” ta UPBSE secretary Shail Yadav-i ashi.
District inspectors of schools (DIOS) ajak dang kaketshirtem online ajanga registration aser tatidang atema form tem fill up asüba mapang parnok Aadhaar details aser U-DISE code inoksemtsü asoshi tetuyuba agütsüogo. Iba tetuyuba ya UP Board kübok sorkar meyong school tem aser nija school tem ajak asoshi lir.
“Chichiba Aadhaar number amshiba ajanga Up board tatidangtem nung teyazü tenüng züngoksemba aser tangar melena tatidang agütsütsü asoshi kecha lenmang madoktsü,” ta yadav-isa ashi.
Taoba mapang Chief Minister Yogi Adityanath-i tatidang agiba maparen nung aibelenba ajitetra nüburtemi metetdaktsütsü asoshi WhatsApp number agüja liasü.