ULFA-I puri Bida Taku dang sen lakh 10 akhang

Itanagar, May 23 (Agencies): Sorkari nokdanga aliba United Liberation Front of Asom (Independent) puri taoba Arunachal Pradesh minister Bida Taku dang nungi sen lakh 10 meshia osang ka agütsüogo.
Taoba Chief minister-i ashiba agi, ULFA (I) puri sen meshiba osang Honibarnü agütsü aser parnok takhangba mataloktsüra lendong ajurutsü ta amokmeren.
Iba dak sendakba nung Taku-i yashi Mahadevpur police station nung ken o ka benokogo.
“Iba dak sendakba nung local politician kar densema alitsü ta ni temolung melemi bilemer kechiyong ni amala ka tang talidak kia maliba nisung kadak kodaser tenük yoktsü,” ta taoba Minister-i ashi.