North Korea nungi aruba mejangjaba oset ka dak South Korea-i akah

Seoul, May 23 (Agencies): North Korea nungi ‘demilitarised zone’ ajanga mejangjaba oset ka anüng tom nung yima aruba ajanga injang khaloktsü, ta South Korea-i ashi.
Iba mejangjaba oset yima aruba dak machine gun injang 90-shi khaloktsü. Tamalena North Korea-i arrtsü alema drone aika yoka liasü.
Korean peninsula nung tebilemtsü adoka aliba mapang ka nung iba lendong ya adalok.
Medium-range ballistic missile ka Pyongyang-i Deobarnü takok ngua tendangogo, ta osang sangdonga lir.
Nuclear warhead tulu bener otettsü akokba rocket ka North Korea-i tendanger hopta ka sülen iba missile tendanga liasü.
North Korea-i missile tendangba ya tesüiba ita eshika tejaklen nungi tali renloka arur aser iba ajanga US tonga oa bokloktsütettsü missile yanglutsü atema Pyongyang nükjitong tongteter, ta mongin temi ashi.
UN Security Council-i Mongulbar nikongdang North Korea atema ‘closed-door’ senden ka amentsü sentong lir. Aser iba senden nung North Korea-i iba ama mapa inyakba anendaktsütsü asoshi ozüng tesashi yanglutsü molungtepogo, ta osang ka sangdong.
South Korea nung tir tasen, Moon Jae-in May tetenzüklen shimba sülen iba tebilemtsü tali akumer.
North Korea indang drones ya 2014 April ita Baengnyeong asetkong nung ngutet, ta South Korea-i ashir.
South Korea indang mitkartemi iba oset dak khashi asü mükhashiar ketdangsertemi kicha osang shia mali.
2016 January ita nunga drone südi, ta temolung melemtetba tayimtsü ka dak South Korea mitkar temi akha. 2014 nunga North Korea indang drone ana tashi ‘demilitarised zone’ nung Paju anasa ngutet, ta South Korea ketdangsertemi ashir.