Zila Sainik Board, Mkg sangdong

Dimapur, May 24 (TYO): Zila Sainik Board, Mokokchung Secretary, Lt. Col. Joy Choudhury-i, June 19, 2017 nungi July 30, 2017 nü tashi Happy Valley, Shillong nung Assam Regimental Centre-i ayonga Recruitment Rally ka akatsü, ta metetdaktsü.
Iba rally ya Unit HQ quota kübok akar, anungji iba rally atema tenüng agütsütsü asoshi temsüa alir candidate temji: raradang asüba ajanga amitsür/ sangremer jabasotem, Service/ Ex-Servicemen jabasotem, Servicemen/Ex-Servicemen chichiba adianutem aser TA chirtem alitsü.
Osang tejangja atema candidate temi welfare organizer, Zila Sainik Board, Mokokchung den tongteprateptsü akok, ta ketdangsertem osang ka ajanga metetdaktsü.